హెచ్చరికగా రారా హే రామచంద్ర

రచన: శ్రీ త్యాగరాజ స్వామి

రాగం: యదుకుల కాంభోజి

తాళం: ఆది

పల్లవి:

హెచ్చరికగా రారా హే రామచంద్ర

హెచ్చరికగా రారా హే సుగుణసాంద్ర

అనుపల్లవి:

పచ్చ విల్తునికన్న పాలిత సురేంద్ర (హెచ్చరిక)

చరణాలు:

కనకమయమౌ మకుటకాంతి మెరయగను

ఘనమైన కుండల యుగంబు కదలగను

ఘనమైన నూపుర యుగంబు ఘల్లనను

సనకాదులెల్ల కని సంతసిల్లగను ॥ 1 ॥

ఆణిముత్యాల సరులల్లలాడగను

వాణిపతీంద్రులిరు వరుసపొగడగను

మాణిక్య సోపానమందు మెల్లగను

వీణపల్కుల వినుచు వేడ్కచెల్లగను ॥ 2 ॥

నినుజూడవచ్చు భగినికరంబు చిలుక

మనసురంజిల్ల నీ మహిమలను పలుక

మినువాసులెల్ల విరులను చాల జిలుక

ఘనత్యాగరాజు కనుగొన ముద్దు గులుక ॥ 3 ॥