రచన: శ్రీ తాళ్ళపాక అన్నమాచార్య
రాగం: హిందోళ వసంతం
తాళం: ఆది
జగడపు జనవుల జాజర
సగినల మంచపు జాజర || జగడపు ||
మొల్లలు దురుముల ముడిచిన బరువున
మొల్లపు సరసపు మురిపెమున
జల్లన బుప్పొడి జాగర బతిపై
చల్లే రతివలు జాజర || జగడపు ||
భారపు కుచముల పైపైగడు సిం-
గారము నెరపెటి గంధవొడి
చేరువ పతిపై చిందగ బడతులు
సారెకు జల్లేరు జాజర || జగడపు ||
బింకపు గూటమి పెనగేటి చమటల
పంకపు పూతలపరిమళము
వేంకటపతిపై వెలదులు నించేరు
సంకుమదంబుల జాజర || జగడపు ||
కామెంట్‌లు లేవు:
కామెంట్‌ను పోస్ట్ చేయండి