మావల్లగాదమ్మా దేవి యశోద!

జావళి: మావల్లగాదమ్మ

రాగం: మాండ్

తాళం: ఆది

పల్లవి:

మావల్లగాదమ్మా దేవి యశోద!

నీ సుతు చర్యలు మాటిమాటికి దెల్ప  

అనుపల్లవి:

మంగళాంగిరో బాల కృష్ణుడు బల్

గారడి విద్యలు ఘనముగ నేర్చెను

చరణములు:

పాల్ పెరుగు వెన్న మీగడ భాండము

గుర్తు తెలియకనే మాయము జేసెను 

కన్య నన్నుజూచి కన్ను సైగజేసి

ఎన్నరాని పను లెన్నెన్నో చేసె 

యదుకుల రమణిరో ధూర్త గోపాలుడు పదుగురు చూడ నా అధరము నొక్కెను

మారజననీం ఆశ్రయే

రచన: శ్రీమాన్ నల్లాన్ చక్రవర్తుల కృష్ణమాచార్యులు

రాగం: నాటకప్రియ

తాళం: ఆది 

పల్లవి:

మారజననీం ఆశ్రయే సుకుమారపదాం 

వరదాం సదాం ముదాం 

అనుపల్లవి:

తారాధిప సహోదరీం 

శుభతారహార లసితాం సురార్చితాం 

హారిద్రవర్ణశోభినీం కలుషహారిణీం భక్తలోకపాలినీం క్షీరనీరనిధితనయాం సదయాం 

సారాసాలయాం సదవనాహ్వయాం 

చరణం:

కైటభారి హృత్పీఠవాసినీం

కాత్యాయన్యాది సంతోషిణీం

పాటల అధర వినిందిత బింబాం

ప్రణుతగుణ కదంబాం జగదంబాం 

నాటకప్రియనుతాం ప్రముదితాం

నారదాదిమౌని వంద్యచరితాం

హాటకాభరణయుతం వసుమహితాం

సుమహితాం మహితాం హితాం తాం

శివ శివ భవ భవ శరణమ్

రచన: నారాయణతీర్థులు
రాగం: సౌరాష్ట్రం
తాళం: ఆది

పల్లవి:
శివ శివ భవ భవ శరణమ్
మమభవతు సదా తవ స్మరణమ్‌

చరణాలు:
గంగాధర చంద్రచూడ జగన్మంగళ సర్వలోకనీడ - 1

కైలాసాచలవాస శివకర పురహర దరహాస - 2

భస్మోద్ధూళితదేహ శంభో పరమపురుష వృషవాహ - 3

పంచానన ఫణిహేష శివపరమపురుష మునివేష - 4

ఆనందనటనవినోద సచ్చిదానంద విదళితఖేద - 5

నవవ్యాకరణస్వభావ శివనారాయణతీర్థదేవ - 6

హెచ్చరికగా రారా హే రామచంద్ర

రచన: శ్రీ త్యాగరాజ స్వామి

రాగం: యదుకుల కాంభోజి

తాళం: ఆది

పల్లవి:

హెచ్చరికగా రారా హే రామచంద్ర

హెచ్చరికగా రారా హే సుగుణసాంద్ర

అనుపల్లవి:

పచ్చ విల్తునికన్న పాలిత సురేంద్ర (హెచ్చరిక)

చరణాలు:

కనకమయమౌ మకుటకాంతి మెరయగను

ఘనమైన కుండల యుగంబు కదలగను

ఘనమైన నూపుర యుగంబు ఘల్లనను

సనకాదులెల్ల కని సంతసిల్లగను ॥ 1 ॥

ఆణిముత్యాల సరులల్లలాడగను

వాణిపతీంద్రులిరు వరుసపొగడగను

మాణిక్య సోపానమందు మెల్లగను

వీణపల్కుల వినుచు వేడ్కచెల్లగను ॥ 2 ॥

నినుజూడవచ్చు భగినికరంబు చిలుక

మనసురంజిల్ల నీ మహిమలను పలుక

మినువాసులెల్ల విరులను చాల జిలుక

ఘనత్యాగరాజు కనుగొన ముద్దు గులుక ॥ 3 ॥

ముచ్చట బ్రహ్మాదులకు దొరకునా

రచన: త్యాగరాజు స్వామి

రాగం: మధ్యమావతి 

తాళం: ఆది

పల్లవి:

ముచ్చట బ్రహ్మాదులకు దొరకునా

ముదితలార జూతాము రారే

అనుపల్లవి:

పచ్చని దేహిని పరమ పావనిని

పార్వతిని తలచుచును హరుడేగెడు

చరణాలు:

చిల్లర వేల్పుల రీతి నరుల కర

పల్లవములను తళుక్కనుచు బిరుదు-

లెల్ల మెరయ నిజ భక్తులు పొగడగ

ఉల్లము రంజిల్ల

తెల్లని మేనున నిండు సొమ్ములతో

మల్లె హారములు మరి శోభిల్లగ

చల్లని వేళ సకల నవ-రత్నపు

పల్లకిలో వేంచేసి వచ్చు - 1

హితమైన సకల నైవేద్యంబుల

సమ్మతమున అడుగడుగుకారగింపుచు

మితము లేని ఉపచారములతో-

నతి సంతోషమున సతతము

జప తపములనొనరించు

నత జనులకభీష్టములవ్వారిగ

వెతగియొసగుదుననుచు పంచ నదీ

పతి వెడలి సొగసు మీరగ వచ్చు - 2

భాగవతులు హరి నామ కీర్తనము

బాగుగ సుస్వరములతో వింత

రాగములనాలాపము సేయు

వైభోగములను జూచి

నాగ భూషణుడు కరుణా నిధియై

వేగము సకల సు-జన రక్షణమున

జాగ-రూకుడై కోర్కెలనొసగు

త్యాగరాజు తాననుచును వచ్చు - 3

బాలగోపాలకృష్ణ పాహి పాహి

రచన: శ్రీ నారాయణ తీర్థులు

రాగం: మోహన

తాళం: ఆది

పల్లవి:

బాలగోపాలకృష్ణ పాహి పాహి॥

అనుపల్లవి:

నీలమేఘశరీరా నిత్యానందం దేహి॥ 

చరణాలు:

కలభసుందరగమన కస్తూరిశోభితానన 

నళినదళాయతనయన నందనందన

మిళితగోపవధూజన మీనాంకకోటిమోహన

దళితసంసారబంధన దారుణవైరినాశన ॥ 1 ॥

యజ్ఞ యజ్ఞసంరక్షణ యాదవవంశాభరణ

యజ్ఞఫలవితరణ యతిజనతారణ

అజ్ఞానఘనసమీరణ అఖిలలోకకారణ

విజ్ఞానదళితావరణ వేదాంతవాక్యప్రమాణ ॥ 2 ॥

వ్యత్యస్తపాదారవింద విశ్వవందితముకుంద

సత్యాఖండబోధానంద సద్గుణబృంద

ప్రత్యస్తమితభేదకంద పాలితనందసునంద

నిత్యద నారాయణతీర్థ నిర్మలానందగోవింద ॥ 3 ॥

శివగంగానగర నివాసిని

రచన: పాపనాశన్ శివన్

రాగం: పున్నాగవరాళి

తాళం: ఆది 

పల్లవి:

శివగంగానగర నివాసిని

శ్రీ రాజరాజేశ్వరి మామవ 

అనుపల్లవి:

అభయవరదే అంబ మాయే

నిగమాగణిత విభవే పరశివజాయే 

చరణాలు:

వదనరుచి విజిత కమలే

ఉభయపార్శ్వ విరాజిత వాణీకమలే ॥ 1 ॥ 

సదా రామదాసనుతే శరణాగత

జనపాలన శుభచరితే ॥ 2 ॥